Bêdengî qeyrana aboriyê kûrtir dike

Tirkiye ji aliyê av, ax, roj û çavkaniyên debarê yên xwezayî ve, welatekî pir dewlend e. Lê hikûmetên ku vî welatî bi rêve dibin,...

Rê didin DAIŞ’ê yan DAIŞ’ê zindî dikin?

Di nava meha dawî de liv û tevgera êrîşên çeteyên DAIŞ'ê ya li başûrê Kurdistan û taybet herêmên nakok ku weke herêmên madeya 140...

Bêdengî qeyrana aboriyê kûrtir dike

Tirkiye ji aliyê av, ax, roj û çavkaniyên debarê yên xwezayî ve, welatekî pir dewlend e. Lê hikûmetên ku vî welatî bi rêve dibin,...

Rê didin DAIŞ’ê yan DAIŞ’ê zindî dikin?

Di nava meha dawî de liv û tevgera êrîşên çeteyên DAIŞ'ê ya li başûrê Kurdistan û taybet herêmên nakok ku weke herêmên madeya 140...
Duşem - 6 Kanun 2021

Bêdengî qeyrana aboriyê kûrtir dike

Tirkiye ji aliyê av, ax, roj û çavkaniyên debarê yên xwezayî ve, welatekî pir dewlend e. Lê hikûmetên ku vî welatî bi rêve dibin,...

Rê didin DAIŞ’ê yan DAIŞ’ê zindî dikin?

Di nava meha dawî de liv û tevgera êrîşên çeteyên DAIŞ'ê ya li başûrê Kurdistan û taybet herêmên nakok ku weke herêmên madeya 140...

Erdogan proje bû lê Kiliçdaroglu?

Ahmet Aktaş
Şîrove

Ger ku yên ji bîr kiribin hebin, bila were bîra wan R.T.Erdogan ji bo projeyek girîng a cîhanî hate pejirandin û hate amadekirin. Ji bo dîzaynkirina (ji nû ve sererastkirina) cîhanê ya sedsala 21’ê kar û mîsyonek dane wî.

Hîn bi fermî ne tu tişt bû; ne serokê partiyê bû, ne parlamenter bû, belê ew jî weke parçeyekî ji vê projeyê, ew ji bo çend heyvan xistin zindana Sêrtê û derxistin û kişandin Washingtonê (10.11.2002). Li wir ji aliyê Serok W.Buch ve weke serokê dewleta tirk hate pêşewazîkirin. Ji vê qonaxê û pêve xelekên zincîra kar û barê R.T.Erdogan ê di projeya sedsalê de, êdî kete rê û meşiya, heta roja îro tê.

Ha bila neyê jibîrkirin Buch, ew kiri bû cigîrê xwe yê ji bo pêkanîna Projeya Mezin a Rojhilata Navîn(BOP) jî.

Her çendî hinek kêmasî derketibin jî; weke  mînaka di meclisê de nepejirandina biryara hêzên DYA’yê, li ser Tirkiyeyê re derbasî Iraqê bibin, dîsa jî divê mafê wî neyê xwarin, ji bo xwedanê projeyê gelek bi kêrhatî û bêqusûr xebitî.

Ji nava karê wî yê herî sereke jî, şikandin û hilweşandina têkoşîna azadî û demokrasiyê ya gelê Kurdistanê bû. Bi gotineke din; diviya Plangeriya Nevdewletî ya li  dijî Rêberê Gelê Kurdistanê Abdullah Ocalan, li gorî armancê projeya vê sedsala 21’ê bihata biencamkirin.

Di vî kar û xebata xwe yê ku bi projeyê ve girêdayî de jî, bêqusûr hewlda û niha jî hewldana xwe nedaye rawestandin, bênavber bi hemû şêwazê wahşeta xwe ya bêexlaqî dide meşandin.

Erê gelek zirar û ziyana mezin û bêhejmar da gelê Kurdistanê û gelên herêmê, lê weke jê dihate xwestin pêk nehat, ew encama stratejîk bi dest nexist. Ji ber ku têkoşîna gelê Kurdistanê û Tevgera Azadiyê ya qehreman û hemdemî û bi taybetî berxwedan û rênîşandana Rêber APO, derfet û rê neda ku ev projeya zalimane û dijminane ya dijî gelan û mirovahiyê bi ser bikeve. Lewma niha dest bi bikaranîna jahr û xaza kîmyewî kiriye. Lê wisa diyar dibe ku tu çekên konvansiyonel ên teknolojiya herî modern û çekên kîmyewî jî, dê nikaribin îradeya azad a gelan û bi taybetî jî ya gelê Kurdistanê bişikîne û hilweşîne.

Ji ber vê rewşa tengav bûyî ya R.T.Erdogan, hinek pêşbînî û şîroveyên girîng û watedar ketine rojevê. Ev jî; gelo ma nabe ji bo şûna wî, Kemal Kiliçdaroglu amade dikin!?

Ji ber ku hatina wan a ji bo serokatiyê partiyên wan pir dişibin hev. K.Kiliçdaroglu jî, di encama kasetên li dijî Denîz Baykal de hat û hema ji nişka ve bû serokê CHP’ê! Ev gotina wî ya bi hefteyekê berî serokatiyê qebûl bike ku ji mala D.Baykal derdiket û li ser pirsa rojnamevanan got; ”na xêr ez ne mirovekî ku karibim serokatiyê bikim, ji xwe va ye serokê me heyê” û hwd. Li ser vê daxuyaniya wî, êdî gûman bi xurtî kete rojeva raya giştî ku ev jî projeyek ji derve bû!

Her wiha, niha jî di vê dema dawî de mirov bala xwe dide axaftin û hewldanên wî, gelek guhertin tên xuyakirin. Mînaka herî mezin, ev mirov pir û pir tirsonek bû. Mirovekî wisa bû ku curet nedikir bibe serokê partiya xwe. Lê niha tê dîtin, gotinên gelek qelew dike, xwe bi xurtî li serokatiya rêveberiya dewletê radikişîne, her wiha ji bo desthilatdariya AKP-MHP’ê birûxine, gelek gotinê tûj dike û hejmarek berfireh partî jî li dora xwe hewandiye!

Tê gotin ku li pişt vê wêrektiya wî hêzek mezin a cîhanî heye, eger ne wisa be, ev mirovê newêrek, van peyvên ku cesaret jêre divê nikaribû bi gota.

Helbet divê ev jî were zanîn ku berxwedana gelê Kurdistanê, li aliyekî faşîzma AKP-MHP’ê û bi giştî kevneperestî tirsand, li aliyê din jî curet û cesaret da hêz û kesên dijî faşîzma AKP/MHP’ê û kevneperestiya gelemperî.

Vê rewşa R.T.Erdogan, hinekî dişibe serdema Adnan Menderes. Mîna R.Erdogan, ew jî wê wextê ji DYA’yê hinekî xeyidî bû û berê xwe dabû Yekitiya Sovyetê. Ji aliyê DYA ve çi hate serê wî tê zanîn, ma nabe ku heman aqûbet were serê R.T.Erdogan jî!

Wisa diyar e hem hundir hem jî derve li vê desthilatdariya zalim a AKP-MHP’ê hatiye xezebê û temenê wê her diçe kurt dibe!

Nûçeyên Têkildar