Erdogan li ber sekeratê ye!

Li Tirkiyeyê siyaseta takekesî êdî têk diçe. Tevî hemû hewldanên mabûna li ser desthilatê jî lê belê vê carê av diçike û binê behrê...

Têkçûna sîstema Erdogan

Ev çend meh in dovîz carina ji nişkava ber bi jor ve diçe. Di encamê de rêjeya dovîz piçek kêm bibe jî axir naye...

Erdogan li ber sekeratê ye!

Li Tirkiyeyê siyaseta takekesî êdî têk diçe. Tevî hemû hewldanên mabûna li ser desthilatê jî lê belê vê carê av diçike û binê behrê...

Têkçûna sîstema Erdogan

Ev çend meh in dovîz carina ji nişkava ber bi jor ve diçe. Di encamê de rêjeya dovîz piçek kêm bibe jî axir naye...
Şemî - 27 Mijdar 2021

Erdogan li ber sekeratê ye!

Li Tirkiyeyê siyaseta takekesî êdî têk diçe. Tevî hemû hewldanên mabûna li ser desthilatê jî lê belê vê carê av diçike û binê behrê...

Têkçûna sîstema Erdogan

Ev çend meh in dovîz carina ji nişkava ber bi jor ve diçe. Di encamê de rêjeya dovîz piçek kêm bibe jî axir naye...

‘Ma pêro keyeyê tepişteyan dawetê nobeta edaletî kenê’

Keyeyê tepişteyê sîyasî yê nêweşî hemverê binpaykerdişê heqan û îşkenceyî baroyî dest bi "Nobeta Edaletî" kerdî. Keyeyê tepişteyan veng da heme dayîkan ke beşdarê nobete bibê

Her ke şino binpaykerdişê heqan ê zîndanan zêde benê. Bi taybetî zî tepişteyê sîyasî yê nêweşî nînê tedawîkerdiş û heme heqê xo ra yenê mehrûmkerdiş. Keyeyê tepişteyan hemverê nê binpaykerdişan, nêzdîbîyayîşê xirab û îşkenceyê serê tepişteyan, “Nobeta Edaletî” Baroyê Amedî de dayî destpêkerdiş. Keyeyê tepişteyan ê nêweşî ke roja yewin ra nobete de yê Hesîna Guler (73) û Fevzîye Kolakan (71) ajansê ma rê qisey kerdî û veng dayî heme keyeyê tepişteyan wayîrê çalakî vejîyê.

‘Rexmê nêweşîyê giran ê nînê veradayîş’

Cinîya Hesîna Guler, Sidik Gulero 83 serre ke Zîndanê Îskenderûnî de yo, cezaya mueebetî girewto û nêweşîyê sey qelb, tansîyon û reşeba ci dir estê. Sidiko ke 26 serrî yo zîndan de yo nê prosesî de di rey emelîyat bîyo. Rexmê nêweşî û emrê ey nîno veradayîş û hetê weşîye de zî problemê ey girîng estê. Goreyê ke Hesîna vana 3 serrî yo nêeşkeya serdayîşê mêrdeyê xo bikero. Wexto ke tewr peyîn şîya verê ci, bi kursîya astengdaran ameyo pêvînayîş. Eynî wextî de zî Hesîna dîyar kerd ke lazimîyê xo yê rojane pêşwazî bikero û her çî zî xo vîr ra keno.

‘Çîyo ke tepişteyê nêweşan rê yeno kerdiş wijdanî nîyo’

Lajê Hesîna, Habîb Gulero 18 serreyê xo de ameyo tepiştiş bi 30 serrî yo zî zîndan de yo. Lajê ci zî problemê weşîye ci dir estê. Hesîna dîyar kerd ke demêk derg o mêrdeyê ci dir problemê weşîye esto û wexto ke benê nêweşxaneyî zî bi kelepçe benê û anê. Hasîbe wina dewam kerd: “Demê tedawî de zî kelepçekerdişê kesêkê 83 serre çiqas rast o û çiqas wijdanî yo. Tewr peyîn vernîya 3 serrî mi ey dî û rewşa ey xeylêk xirab bi. Nika her ke şino tewr xirab beno. Ma nêeşkenê şêrê serdayîş zî. Her tewir bê heqî serê înan û ma zî yeno kerdiş. Her çî kenê la bi bahaneyê şube pêvînayîşî qedexe kenê. Xora senîn bo zî ma baş nêzanê.”

‘Bibê vengê tepişteyan’

Hesîna dewam de wina vat: “Ma zanê ke welat de hema vajê her keye de tepişteyêk esto. Zîndanî bi tepişteyanê ma dir pir bîyê. Îşkence bi înan yeno kerdiş û bi binpaykerdişê heqan rî bi rî manenê. Hem înan hem zî keyeyê înan kenê mîyanê zehmetî. Ma hêvî kenê ke heme dayîkê zerrî veşnaye ma kom bibê, wayîrê nobeta ma vejîyê û bibê vengê tepişteyan.”

‘Ez semedê heme tepişteyan nobete de ya’  

Fevzîye Kolakan zî dayîkê 2 tepişteyê sîyasî yê nêweş ê. Lajêk ci yê bi nameyê Ahmet Kolakan 18 serrîya xo de ameyo tepiştiş û 28 serrî yo zîndan de yeno tepiştiş. Ahmet nêweşîyê sey mîde û qelb ci dir esto. Birayê ci Mahsum Kolakan zî 7 serrî yo zîndan de yo. Fevziye Kolakan semedê her di tutanê xo de Nobeta Edaletî de ca girewt zî wina vat: “Xeylêk rey lajê mi Ahmet gerek emelîyat bibayîne la waştişê refaqatî qebûl nêkerdê. Destûr nêdanê ke ma şêrê ver. Semedê nê sebeban zî ma nêefterayîne ke ma zî destûrê emelîyatî bidê. O nêame emelîyatkerdiş. Nika zî problemê girîng yê weşîye ci dir estê. Bi seyan tepişteyê nêweşî yê sey tutê mi estê. Ez ewro semedê nê pêrune  nobete de ya.”

Fevzîye tewr peyîn wina vat: “Ma nêwazenê cenazeyê tutanê ma zîndanan ra bivejîyê. Lazim o ewro ma heme pîya bibê tifaq û hemverê heme tewirê bêheqî sere wedarnê. Ma heme keyeyê tepişteyan dawet kenê nobeta edaletî. Belkî ma bi yew destî bibê hêvîyêke. Semedê  edaletî ma nobete de yê û ma hêvîya heme keyeyan ê. Hêvî kena ke selahîyetdarî zî vengê ma bieşnawê û xo ker nêkerê. AMED

- Arşîva Rojnameyên Kurdî-spot_img

Nûçeyên Têkildar