Jiyan, mirin û gorên komî

Li Şengalê bi nêzbûna salvegera fermana 2014’an, yek ji rojevên esasî jî mijara gorên komî ye. Li gor agahiyên ku şahidan dane û di...

Viyan Dexîl îspat kir ku nûnertiya dewleta Osmanî dike, ne ya êzidiyan

Viyan Dexîl di sala 1971’ê de li Mûsilê ji dayîk bûye û xelka Şengalê ye. Li parlamentoya Iraqê li ser listeya fraksiyona PDK’ê nûnertiya...

Jiyan, mirin û gorên komî

Li Şengalê bi nêzbûna salvegera fermana 2014’an, yek ji rojevên esasî jî mijara gorên komî ye. Li gor agahiyên ku şahidan dane û di...

Viyan Dexîl îspat kir ku nûnertiya dewleta Osmanî dike, ne ya êzidiyan

Viyan Dexîl di sala 1971’ê de li Mûsilê ji dayîk bûye û xelka Şengalê ye. Li parlamentoya Iraqê li ser listeya fraksiyona PDK’ê nûnertiya...
Sêşem - 5 Tirmeh 2022

Jiyan, mirin û gorên komî

Li Şengalê bi nêzbûna salvegera fermana 2014’an, yek ji rojevên esasî jî mijara gorên komî ye. Li gor agahiyên ku şahidan dane û di...

Viyan Dexîl îspat kir ku nûnertiya dewleta Osmanî dike, ne ya êzidiyan

Viyan Dexîl di sala 1971’ê de li Mûsilê ji dayîk bûye û xelka Şengalê ye. Li parlamentoya Iraqê li ser listeya fraksiyona PDK’ê nûnertiya...

Nasnameyê 8 şehîdanê Zapî ameyî eşkerakerdene

HPGyî nasnameyê 8 gerîlayanê ke Çîyareşê Zapî de hetê dewleta tirke ra bi çekanê kîmyewîyan ameyî şehîdkerdene, eşkera kerdî û vat ê do waştişê hemrayanê xo yê şehîdan bîyarê ca

Merkezê Îrtîbatû û Çapemenîye yê HPGyî bi eşkerayîyêke nasnameyê 8 gerîlayanê ke Zap de şehîd bîyî, eşkera kerdî û nê pare kerdî:

“Gerîlayê Azadîye yê Kurdistanî vera hêrişê artêşa tirke ya îşxalkere bi têkoşînê tewr bianorî yê tarîxê xo cewab danê û verê îşxalkeran genê. Îşxalkerê ke vera xoverdayîşê hermrayanê ma yê qehremanan nêeşkenê avêr şirê çekanê kîmyewîyan şuxulnenê. La Gerîlayê Azadîye yê Kurdistanî yê ke xo bi zanîstîya Apoyîyî xo  şidnayo bedelê ci çi beno wa bibo semedê têkoşînî kerdo xo çeng. Hêrişê bi çekanê kîmyewîyan ê vera Warê Xoverdayîşî yê Çîyareşî yê Zapî de hemrayê ma Rohat, Şevîn, Şerda, Xemgîn, Zilan, Denîz, Demhat û Sema tewrê kerwanê şehîdan bîyî. Hemrayê ma yê ke binê fermandarîya hemrayanê ma Rohat û Şevîne de şer kerdêne sey mîlîtananê sembolan ê xoverdayîşê Zapî do tim serkêşîya têkoşînê ma bikerê.

Nasnameyê hemrayanê ma yê şehîdan wina yê:

Rohat Dengdar

Hemrayê ma Rohat qezaya Çelê ya Colemêrgî de ameyo dinya û keyeyêkê welatperwerî de bîyo pîl. Hema qijtîya ci ra sempatîya ci gerîlayan rê bibî. Qerar girewto ke do rêçê xalê xo yê şehîdî ra şiro û 2013yî de tewrê sefanê gerîlayan bîyo. Hermayê ma Rohatî ke Avaşîn de destpê gerîlatîye kerde rewî ra musayo cuya gerîlatîye. 2014 de seba ke şarê êzidîyan qirkerdişê DAIŞî ra bixelisno ravêrto Şingalî û bado ke tîya têkoşînê pîlî kerdo û bîyo wayîrê tecrubeyê girdî  beyraqê têkoşînî teslîmê YPŞyî kerdo û 2018 de Şingalî ra  şîyo Zap û sey fermandarêkê HPGyî tewrê şerê aktîfî bîyo.  Tîya wezîfeyê xo bi serkewtişî ardî ca û bîyo fermandarano tewr heskerdoxan ê Zapî ra yew.  Sey fermandarê herême Çîyareş de wezîfe girewto. Hemrayê ma Rohat cade peyê welatê xo Çelê de pîya bi hewt hemrayanê xo tewrê kerwanê şehîdan bîyo.

Şevîn Şemzînan

Hemraya ma Şevîne Şemzînane Colemêrgî de keyeyêkê welatperî de ameya dinya û qijtîya xo ra hêrişê qirkerdişî yê vera kurdan rê şahîdîye kerda.  Hemraya ma Şevîna ke 2012yî de tewrê sefanê gerîlayan bîya, tewrbîyayîşê xo sey newe ra bîyayîşî ercnayo. Sere de îdeolojîya cinîya azade ya Rayberîye îdeolojîya azadîye ser xo aver berdo. Xeylêk wext Xakurkê de gerîlatîye kerda û tewrê çalakîyanê serkewteyan bîya û bîya fermandara YJA Starî. 2020 de Akademîya Masûm Korkmazî de merhaleya îdareyî de wezîfe girewto. Hemraya Şevîna ke sey fermandara herême Zap de wezîfe girewt xo ser, berpirsîyarîyê xo yê giranî bi serkewtişî ardî ca û hêrişê çekanê kîmyewîyan de mîyanê şehîdanê bêmergan ê Zapî de cayê xo girewto.

Şerda Sosin

Hemraya ma Şerda Wan de ameya dinya û taybetîya xoverdayox û sererberze bîya pîl. Semedê pawitişê welat û şarê xo 2012 de verê xo dayo koyanê azadan. Tim semedê îdeolojîya Rayberîye, feslefeya xelisnayîşê cinîya azade cehd kerdo ke xo zafêr aver bêro. Sey mîlîtana Apoyîye embazanê xo rê bîya nimûne. Sey cinîye xopawitiş muhîm vînayo û hetê leşkerî ra zî xo resnayo. Xeylêk waranê Herêmanê Pawitişî yê Medya de xebatê ercîyayî kerdî û dima ra ravêrta Şingal. Tîya xeylêk hemleyan de ca girewt, tecrubeyê leşkerî kerdî peyser, xelisnayîşê şarê êzidîyan de bîya wayîre kede û bîya fermandarêka serkewteye ya YJA Starî. Badê xalisnayîşê Şingalî verê xo dayo koyanê Kurdîstanî. 2019î ra nata Zap de sey fermandare wezîfeyê xo biserkewtişî ardo ca.

Xemgîn Qelqelî

Hemrayê ma Xemgîn Qelqelîya Wanî de ameyo dinya û bi kulturê welatperwerîye yê Qelqelî bîyo pîl. Hemrayê Xemgîn 2015î de tewrê sefanê gerîlayan bîyo û badê perwerdeyê verênî semedê patişê şarê Başûrê Kurdîstanî ravêrto xeta Mexmûr-Kurkukî. Rixmo ke gerîlayo newe bi vera çeteyanê DAÎŞî şer kerdo û wezîfeyê xo biserkwtişî ardî ca. Tîya xeylêk tecrubeyê leşkerî kerdê peyser û 2018 de reyna agêrayo koyanê Kurdîstanî û Zap de tewrê xebatan bîyo. Tîya semedê xo averberdişî xebityayo û sey gerîlayê dewrê neweyî tewrê çalakîyan bîyo. Hemrayê ma Xemgînê ke bi îradeyê girdî şer kerdêne heta hela peyêne pîya bi hemrayanê xo bi xoverdayîşê destankî erdê xo pawito.

Zîlan Besê

Hemraya ma Zîlana ke eslê xo de bajarê Dêrikî yê Rojawanê Kurdistanî ra ya, bajarê Hesekê de ameya dinya. Keyeyê ci hema wextê verênî yê partîya ma de tewrê xebatan bîyo. Nê keyeyê ma yê ercayayî xeylêk bedelî dayî û zaf şehîdê ci est ê. Hemraya ma Zîlane keyeyêkê winayên de bi kulturê welatperwerîye bîya pîl û 2016 verê xo dayo koyanê azadan ê Kurdistanî ke tim xeyalê ci kerdêne.  Bi perwerdayanê leşkerî bîya gerîlayêka profesyonele ya YJA Starî û Zap de têkoşînê vera îşxalkeran de cayo xo girewto û ramonayo ke qet yew hêz nêeşkeno îradeyê gerîlayan bişikino.

Denîz Reş

Hemraya ma Denîze sey ferdêka eşîrê Kêtikî dewa Boxazî yê Kobanê de ameya dinya. Keyeyê ci yo ke welatperwero Rayber Apo nêzdî ra nas kerdo, warê Rayberîye de xo perwede kerdo. Keyeyê Denîze ke Têkoşînê Azadîye yê Kurdistanî de berpirsîyarîya aktîfe girewta xo ser û wayîrê wezîfeyanê xo vejîyayo kênaya xo bi kulturê welatperwerîye kerda pîl. Xalê Denîz Ahmed Reşe xoverdayîşê Kobanê de şehîd bîyo. Denîza ke şehadetê xalê ci û xoverdayîşê Apoyîyan yê Kobanê tesîrê ci kerdo 2017 de tewrê sefanê gerîlayan bîya. Pîya bi perwerdeyê îdeolojî akdemîya leşkerî de perwerde dîyo û taktîkê suîqestî de bîya pîspore. 2020 de verê xo dayo Zap û tîya sey gerîlayêka serkewteye ya YJA Starî wezîfeyê xo bi serkewtişî ardî ca.

Demhat Derwêş

Hemrayê ma Demhat sey ewladê eşîrê Kêtikî yê welatperwerî bajarê Kobanê de ameyo dinya û mîyanê Şorişê Azadîye yê Rojawanî de bîyo pîl. Detkênaya ci Axîne Ronahî 2017 de têkoşînê vera DAIŞî de şehîde bîya û nê embazê ma ey ser o zaf tesîr kerdo. Hemrayê ma Demhato ke 2020 de tewrê sefanê gerîlayan bîyo verê Garê de mendo dima ra ravêrto Zap.  Tîya tecrubeyê leşkerî kerdî peyser û raştîya dişmenî reyde rî bi rî mendo. Xo sey gerîlayê modernîteya demokratîke aver berdo û bîyo gerîlayêko serkewte. Hemrayê ma Demhat Çîyareş de bi coşî wezîfeyê xo ardî ca û tîya tewrê kerwanê şehîdan bîyo.

Sema Agirîn

Hemra ya Sema dewa Mişefre ya bajarê Hesekê yê Rojawanê Kurdistanî de ameya dinya û mîyanê Şirişê Azadîye yê Rojawanî de bîya pîl. Keyeyê ci de şehîdî û tewrbîyayoxî est ê. Coka a zerrîya safî ra pabesteya qehremananê Kurdistanî bî û xeyal kerdêne ke bibo sey înan. Semedê pawitişê Kurdistanî 2019 de tewrê sefanê gerîlayan bîya.  Seba ke dewleta tirke ya îşxalkere ra qesas bigêro verê xo dayo Zapî û tîya heta şehadetê xo keda pîle daya.

Ma sere de keyeyanê erjayeyan ê hemraynê xo yê şehîdan Rohat, Şevîn, Şerda, Xemgîn, Zilan, Denîz, Demhat û Sema heme şarê welatewerî yê Kurdistanî rê serweşîye wazenê û soz danê ke hemrayê ma yê ke her yewê/a înan sebebê qesas û serewedaritişê pîlî yê, ma do waştişê înan bîyarê ca.”

- Arşîva Rojnameyên Kurdî-spot_img

Nûçeyên Têkildar