Niha jî Kembera Tirkan!

Heta niha ya ku dihat zanîn Kembera Ereban (Hizam el-Ereb) bû. Dibe ku dewleta tirk, ji vê siyaseta malxerab a dewleta Sûriyeyê sûd girtibe. Jixwe...

SADAT çete ye, Erdogan ser çete ye!

Rêxistina SADAT'ê ku çeteyên Erdogan bi rêve dibe, çend roj e careke din di rojeva Tirkiyeyê de ye. Kemal Kiliçdaroglû li meclisê axivî û...

Niha jî Kembera Tirkan!

Heta niha ya ku dihat zanîn Kembera Ereban (Hizam el-Ereb) bû. Dibe ku dewleta tirk, ji vê siyaseta malxerab a dewleta Sûriyeyê sûd girtibe. Jixwe...

SADAT çete ye, Erdogan ser çete ye!

Rêxistina SADAT'ê ku çeteyên Erdogan bi rêve dibe, çend roj e careke din di rojeva Tirkiyeyê de ye. Kemal Kiliçdaroglû li meclisê axivî û...
Şemî - 21 Gulan 2022

Niha jî Kembera Tirkan!

Heta niha ya ku dihat zanîn Kembera Ereban (Hizam el-Ereb) bû. Dibe ku dewleta tirk, ji vê siyaseta malxerab a dewleta Sûriyeyê sûd girtibe. Jixwe...

SADAT çete ye, Erdogan ser çete ye!

Rêxistina SADAT'ê ku çeteyên Erdogan bi rêve dibe, çend roj e careke din di rojeva Tirkiyeyê de ye. Kemal Kiliçdaroglû li meclisê axivî û...

‘Parlamenterên PDK’ê artêşa Iraqê bi ser Şengalê de dişînin’

Rêveberê bajaroka Sinûnê ya girêdayî Şengalê Xwedêda Çûkê diyar kir ku wekî li hemberî dewletekî şer hebe artêşa Iraqê xwe li Şengalê bicih kiriye û got ku parlamenterên PDK’ê artêşa Iraqê li dijî Şengalê sor dikin û bi ser Şengalê ve dişînin

Li Şengalê liv û tevgera berfireh a artêşa Iraqê berdewam dike û gelê Şengalê ji vê rewşê ne razî ye. Herî dawî Rêveberiya Xweser a Şengalê jî bi daxuyaniyeke nivîskî ragihandibû ku ev liv û tevgera leşkerî zemîna provokasyonan ava dike ku li pey vê rewşê hikûmeta Kazimî û PDK hene.

Rêveberê bajaroka Sinûnê Xwedêda Çûkê jî wekî yek ji berpirsên îdarî, rewşa dawî ji ajansa Rojnewsê re nirxand û derbarê liv û tevgera leşkerî de nirxandinên girîng kirin.

Xwedêda Çûkê di destpêkê de bal kişand ser rola artêşê ya di nav dewletê de û wiha got: “Artêş li hemû Iraqê li xeta sînor an jî li xetên sabit dimîne ne di nav gund û bajaran de. Hinek cihên siyasî hene, wekî Bexdayê li cihên wisa disekinin. Niha vê artêşê li Şengalê belav kirine û dibêjin hêzên ne yasayî hene li herêmê. Lê yên ku bûn sebeb ewqas tişt hatin serê me ew kes in ku van gotinan dibêjin.”

‘Parlamenterên PDK’ê zextê dikin û artêşê bi ser me de dişînin’

Xwedêda Çûkê bêyî ku nav bide bal kişand ser daxuyaniyên parlamenterên PDK’ê yên Şengalê jî û ev nirxandin kir: “Hin parlamenter hene, bi dengê êzidiyan çûne parlamentoyê û hin ji wan ev çend roj in dibêjin li Şengalê ewlehî, aramî nîne. Dibêjin eger em venegerin Şengalê em nahêlin ewlehî û aramî li herêmê çêbibe. Ew zextê li hikûmeta Iraqê dikin, ew artêşa Iraqê bi ser me de dişînin.”

‘Wekî li hemberî dewletekî şer hebe, artêş li herêmê bicih bûye’

Di nav çend rojên dawî de bi sedan wesayîtên zirxî û hejmareke zêde ya leşkeran sewqî Şengalê hatine kirin. Xwedêda Çûkê jî bal kişand ser vê tevgera zêde ya heyî û wiha axivî: “Wekî ku li hemberî dewletekî şer hebe artêş li hemû herêmê belav bûye. Şengal ji sedî 99 herêmên Iraqê xweştir û ewletir e.  Ev 4 roj in xortekî êzidî li Bexdayê hatiye kuştin kes behs jî nake. Eger ev bûyer li vir çêbûya wê bigotana ev herêm xeter e.”

‘Kî ji bo Şengalê li ber xwe bide em ê peykerê wî deynin’

Xwedêda Çûkê di nirxandinên xwe de mijarê anî ser peykerê Fermandarê YBŞ’ê Zerdeşt Şengalî jî û ev tişt anî ziman : “Ev çend roj in peykerekî xortekî êzidiyan (Ş.Zerdeşt ) ku di fermanê de li ber xwe daye di rojevê de ye, tiştekî gelek normal e ku peykerê wî li Şengalê were danîn. Kîjan êzidî dibe bila bibe, eger li ber xwe dabe, şerê DAIŞ’ê kiribe em dikarin peykerê wî deynin. Lê ji Bexdayê ferman dan, zext li îdara herêma me kirin, artêş li Şengalê belav kirin û dibêjin em qebûl nakin ew peyker were danîn.”

Xwedêda Çûkê di dawiyê de bang li hemû êzidiyan û bi taybet jî eşîran kir û wiha got: “Rêza me ji artêşa Iraqê re heye lê me negot artêş were li herêmê xwe bicih bike. Ez dengê xwe digihînim êzidiyên me hemûyan. Eşayirî û rûspî dikarin mudaxilê vê rewşê bikin. Biçin ji artêşê re bêjin em vî tiştî li herêma xwe qebûl nakin. Niha li gelek herêmên Iraqê ji ber ku hikûmet lawaz e, eşayir bi xwe radibe û pirsgirêkan çareser dike. Lê eşayirên me li beramberî vê rewşê mixabin bêdeng mane.” ŞENGAL

- Arşîva Rojnameyên Kurdî-spot_img

Nûçeyên Têkildar