Hilbijardeyên çareseriyê

Diyardeyên ku ji demên qedîm heta roja me ya îro hatine, ji bo ravekirina gelek bûyeran ji her tiştî zêdetir bi kêr tên. Ji...

Dewletên cîhanê hemû li New Yorkê bûn

Vê hefteyê ji bo civîna giştî ya 76’an a NY’yê nûnerên hemû dewletên cîhanê, hinek bi videoyan xwe, hinek jî zindî li New Yorkê...

Hilbijardeyên çareseriyê

Diyardeyên ku ji demên qedîm heta roja me ya îro hatine, ji bo ravekirina gelek bûyeran ji her tiştî zêdetir bi kêr tên. Ji...

Dewletên cîhanê hemû li New Yorkê bûn

Vê hefteyê ji bo civîna giştî ya 76’an a NY’yê nûnerên hemû dewletên cîhanê, hinek bi videoyan xwe, hinek jî zindî li New Yorkê...
Şemî - 25 Ilon 2021

Hilbijardeyên çareseriyê

Diyardeyên ku ji demên qedîm heta roja me ya îro hatine, ji bo ravekirina gelek bûyeran ji her tiştî zêdetir bi kêr tên. Ji...

Dewletên cîhanê hemû li New Yorkê bûn

Vê hefteyê ji bo civîna giştî ya 76’an a NY’yê nûnerên hemû dewletên cîhanê, hinek bi videoyan xwe, hinek jî zindî li New Yorkê...

‘Xweserî mafê êzidiyan e divê Iraq qebûl bike’

Endama Serokatiya Konseya Giştî ya KCK’ê Sozdar Avesta peyameke nivîskî ji bo kongreya Meclisa Xweser a Şengalê de şand û diyar kir ku Rêberê Gelê Kurd Abdullah Ocalan Êzidiyên Şengalê emanetê wan kiriye û da zanîn ku xweserî mafê êzidiyane û divê Iraq vê yekê qebûl bike

4’emîn Kongreya Meclisa Xweseriya Demokratîk a Şengalê, li Salona Azadî ya Şengalê bi peyam û axaftinan berdewam dike. Hevseroka Desteya Rêvebir a Şengalê Riham Hico di axaftina vekirinê de balê kişand ser armanca esasî ya kongreyê û wiha got: “Armanca me ne tenê çareserkirina pirsgirêka Şengalê, çareserkirina hemû pirsgirkêkên Iraqê ye.”

Hico, Kongreya 4’emîn a MXDŞ’ê wekî pêngaveke siyasî, civakî, çandî û perwerdehî ya ji bo civaka êzidî pênase kir.

Piştî axaftina vekirinê, sînevizyoneke ku derbarê fermana 2014’an, berxwedana parastin û rizgarkirina Şengalê û xebatên avakirina pergala Xweseriya Demokratîk hatibû amadekirin, hat temaşekirin. Piştî sînevîzyonê peyamên ku ji bo kongreyê hatine şandin, hatin xwendin. Gelek kesayet û sazi peyamên serkeftinê pêşkeşî kongreyê kirin. Namzeta Parlamentoya Iraqê Merwa Mirad Şêxkalo, Qeymeqamê Şengalê Fehed Hemîd, namzetê PADÊ ya Parlamentoya Iraqê Şêx Semir, li ser navê fermandariya YBŞ’ê Dijwar Feqîr, li ser navê êzidiyên Rûsyayê Mamoste Ezîz di peyamên xwe de bang li civaka êzidî kirin ku ji bo parastin û mîsogerkirina Xweseriya Şengalê kar û xebatan mezin bikin.

Her wiha Mala Êzidiyan ya Kantona Cizîrê, Meclisa Şengalê ya Derveyî Welat û Meclisa Eşayîrî ya Şengalê jî ji kongreyê re peyam şandin.

Yek ji peyamên herî girîng a ji kongreyê re hate pêşkeşkirin, peyama Endama Serokatiya Konseya Giştî ya KCK’ê Sozdar Avesta ye. Avesta di peyama xwe de balê kişand ser girîngiya lidarxistina vê kongreyê û got ku divê hemû pêkhate tev li Meclisa Xweseriya Demokratîk a Şengalê bibin û herkes vê meclisê wekî îradeya xwe bibîne.

‘Xebata esasî Xweseriya Demokratîk e’

Avesta di peyama xwe de giraniyê da mijara Xweseriya Şengalê û ev nirxandin kir: “Xebata esasî xebata Xweseriya Demokratîk e, pêşengiya wê jî jin û ciwan dikin. Jin û ciwan xwedî li xweseriyê derdikevin û pêşengiyê dikin. Divê di meclisê de cih bigirin û pêşengiya xebatên avakirinê bikin.”

‘Em dikarin Xweseriya Demokratîk a Şengalê mîsoger bikin’

Avesta di berdewamiya peyama xwe de bal kişand ser kar û xebatên ji bo Xweseriya Şengalê û wiha pêde çû: “Gelê êzidî doza mafê xwe yê rewa dike. Ji bo bidestxistina xweseriyê ev rojên girîng in. Fermana êzidiyan li cîhanê wekî jenoside tê qebûlkirin. Parlamentoya Belçîka û Holandayê biryara jenosîdê dan. Lê bi vê tenê têrî nake. Divê ev biryar bikeve meriyetê. Divê bi taybetî em ji xwe bawer bin. Em dikarin Xweseriya Demokratîk a Şengalê mîsoger bikin.”

‘Êzidî rêveberiya xwe teslîmî kesî nakin’

Di axaftina xwe de Avesta bal kişand ser qirkirina li ser gelê cihû û encamên wê û got ku armanca civaka êzidî ne avakirina dewletê ye jiyana azad a li ser axa pîroz e û ev bang û hişyarî ji her kesî re kir: “Xweserî mafê me ye. Divê herkes zanibe, civaka êzidî êdî xwe biparêze. Parastina xwe, rêveberiya xwe nikare teslîmî kesî bike. Di qanûna Iraqê de jî ev heye. Dewleta faşîst a tirk dixwaze rê li ber vê bigire. PDK jî bi heman awayî.”

‘Divê Iraq mafên êzidiyan nas bike’

Avesta diyar kir ku ger bi dewleta Iraqê re ev mijar baş were nîqaşkirin Iraq ji vê yekê re ne girtî û bi xebat û diyalogeke baş dikare ev pirsgirêk çaresere bibe. Avesta bang li dewleta Iraqê kir ku mafên gelê êzidî nas bike û wiha got: “Tu zirara êzidiyan ji Iraqê re çênabe. Berevajî vê jiyana hevpar misoger bike û modeleke nû pêş bixe.”

‘Gelê me li kampan dîl hatiye girtin’

Avesta di peyama xwe de her wiha bang li êzidiyên koçber û penaber jî kir da ku vegerin ser axa xwe ya pîroz û ev nirxandin kir: “Gelê me li kampan dîl hatiye girtin. Ji dîlgirtina êzidiyan re bes e. Hemû bi têlan ve hatine dorpêçkirin, her roj konên wan dişewitin. Îradeya wan ji destê wan hatiye girtin. Em bang li gelê xwe dikin êdî vegerin ser axa xwe. Cih û warê xwe ava bikin. Encax bi vî rengî dikarin xwe azad bikin.”

Avesta her wiha destnîşan kir ku ev kongre ji hemû êzidiyên li Êzîdxan, Ewropa, Rûsya û welatên din ên cîhanê divê biryaran bigire û herkes, bi taybet jî civaka êzidî ya li Ewropa ji bo Xweseriya Şengalê kar û xebatan mezin bike.

‘Divê êzidî yekitiya xwe pêş bixin’

Avesta bang li hemû ciwanên êzidî jî kir tev li YBŞ, YJŞ û Asayîşê bibin û jinên berxwedêr ên Şengalê jî ji Êzîdxana Xweser a Demokratîk re pêşengiyê bikin û bi van gotinan bang bi giştî civaka êzidî kir: “Ez bang li hemû eşîr û bavikan dikim. Divê xwe xurt tev li vê pêvajoyê bikin. Ev pêvajoyeke girîng û dîrokî ye, divê yekitiya xwe xurt bikin û berjewendiyên civaka êzidî esas bigirin. Bang li hemû oldaran dikim, divê ew jî di meclisê de cih bigirin. Pêşengiya çandî, olî bikin.”

‘Rêber Apo civaka êzidî emanetê me kir’

Avesta di dawiya peyama xwe de bal kişand ser helwest û nêzîkatiya Rêber Apo ya li hemberî civaka êzidî û wiha bi dawî kir: “Em wek civaka êzidî minetdarê Rêber Apo ne. Rêber Apo civaka êzidî emanetê me kir. Cara din soza me ji bo Rêber Apo, em ê ji her demê zêdetir di xizmeta civaka êzidî de bin.”

Peyama Avesta bi dirûşmeya ‘jin jiyan azadî’ ya beşdarvanên kongreyê bi dawî bû.  ŞENGAL

- Arşîva Rojnameyên Kurdî-spot_img

Nûçeyên Têkildar